Hvenær byrjuðu þessar mælingar?

Hvaða ár ætli þessar mælingar hafi byrjað.  Nú er vitað að á fyrsta dægri Kötlugossins 1918 færðist ströndin þarna fram um a.m.k. 2 km., varlega áætlað. En líklega hefur brimið broti þennan tanga tiltölulega hratt fyrstu árin. En það er fróðlegt að vita að Kötlutanginn hafi enn vinninginn á Dyrhólaey. Að þessu er maður oft spurður.

Kötlutangi minnkar um 100 metra á áratug

Framboð og eftirspurn

Það er alls ekki sjálfsagt að fólk sem kemur hámenntað út úr háskólunum fái störf við sitt hæfi þegar það lýkur námi. Gott væri auðvitað að fjölga störfum, svo það gæti orðið en hver á þá að gera það?  Er eitthvað víst að störf sem t.d. ríkið myndi skapa fyrir þetta fólk væru þjóðhagslega hagkvæm?  Hér eins og annarsstaðar eru einhver mörk og skynsamlegt jafnvægi.  Kannski ætti þetta unga fólk líka í meiri mæli að líta í eigin barm og skapa sín eigin störf og nýta þar sína þekkingu. 

Erfitt að fá vinnu við hæfi

Gamla sagan

Þetta er sjálftökulið sem kemst upp með allt óátalið.  Lífeyrisþegarnir sitja eftir með sárt ennið og geta ekkert gert í málinu.  Enginn fjölmiðill virðist hafa áhuga á að gera alvöru úttekt á svínaríinu. Einstaka  örstutt frétt stöku sinnum. Enginn áhugi hjá ríkisstjórnum eða þingmönnunum okkar.  Enda trúa þeir því í blindni að við séum með ,,besta lífeyriskerfi í heiminum"    Skömm þeirra mun lengi uppi.

Laun fyrir stjórnarsetu aldrei hærri

Hvað gera bændur nú?

Munu kjósendur í Reykjavík ljá þessu fólki atkvæði sitt á vori komanda?  Bara til að vita hvaða endaleysu lýstur næst ofan í kollinn á þeim?  En í pólitík uppsker fólk  víst alltaf eins og það sáir.  Ekki beinlínis meðmæli með greindarvísitölu Reykvíkinga.

Bygging mosku samþykkt

Hver er ábyrgð lögreglu og Vegagerðar?

Það er eiginlega óskiljanlegt að lögregla skuli ekki vera á vakt þegar svona gerist og stoppa þá sem ætla að fara út í hreina vitleysu eins og t.d. á Skeiðarársandinum í gær.  Það er engin von til þess að bláókunnugir útlendingar átti sig á aðstæðum sem þessum. Svo býst ég við að þetta aumingjans fólk sé rukkað miskunnarlaust af bílaleigunum fyrir skemmdum sem það í mörgum tilvikum á enga sök á.   Vegagerðin og lögreglan geta ekki verið stikkfrí í svona málum.

Margir bílar skemmdir

Ekki bara makríllinn.....

Það nokkuð víst að makríllinn gerir vont ástand verra hvað varðar æti sjófugla.  En eins og ég hef marg oft bent á byrjaði þetta vandræðaástand miklu fyrr en makrílsins fór að verða vart við Íslandsstrendur. Fyrir a.m.k. fimmtán til tuttugu árum fór að bera á erfiðari afkomu lunda og kríu hér við suðurströndina.  Ekki ómerkari maður en Óskar Sigurðsson vitavörður á Stórhöfða hefur tekið í sama streng hvað þetta varðar.

Lundinn hvarf þegar makríllinn gekk inn fjörðinn

Fyrirsjáanlegt

Þessi draumsýn sveitarstjórnarmanna um strætó, út um hinar dreifðu byggðir var auðvitað fyrirfram dauðadæmd.  Á sennilega rétt á sér á svæðinu Selfoss - Reykjavík - Akranes.  Utan þess verða menn að hverfa aftur til fortíðar í almenningssamgöngum.

Greiðsluþrot fyrir norðan

Engar nefndir - bara efndir

Var sagt fyrir kosningar.  Sýnist á öllu að þarna verði málin flækt enn meira en orðið er og ef nefndin á fyrst að skila af sér næsta sumar, verður ekkert gert fyrr en á þinginu 2014-2015. Á maður virkilega að trúa því að svona væflugangur verði á öllum málum sem lofað var að kippa snarlega í lag fyrir kosningarnar.  Alla vega var ekki traustvekjandi málflutningur forsætisráðherrans í sjónvarpinu í kvöld, vegna skuldamála heimilanna.  Hikandi, óöruggur og vafðist endalaust tunga um tönn.

Endurskoðar lög um almannatryggingar

Norræna velferðarstjórnin

fann þá eftir allt saman breiðustu bökin - og þau áttu aldraðir og öryrkjar

Lægstu laun hækkuðu nær tvöfalt meira en bætur

Hvað með pysjuna?

Í þessa frétt vantar að vita hvort lundinn yfirgaf pysjuna sem varla hefur verið orðin sjálfbjarga á þessum tíma.  Það er kannski stóra málið að vita hvort svo sé.

Skyndilegt hvarf lundans í Grímsey