Horft fram hjá því sem málið snýst um

Það er í sjálfu sér allt í lagi að friða þessa fugla. Kreppan hér er ekki svo slæm að menn  þurfi að veiða sjófugl sér til matar á Íslandi.  En það er ekki vandamálið og hefur ósköp lítil áhrif þegar málið er allt skoðað í samhengi.  Vandamálið er ætisskorturinn og það sem menn þurfa að spyrja sig að, er hvers vegna að sandsílið og fleira sem þessir fuglar veiða sér til matar er nánast horfið úr sjónum.  Það þyrfti að rannsaka af hlutlausum fiskifræðingum og öðrum sem þekkja til lífríki hafsins. En í því rannsóknarteymi má enginn vera sem hefur verið innvinklaður í fiskveiðiráðgjöf undanfarandi ára eða á nokkurn hátt tengdur inn í sjávarútveginn.   Því að öllum líkindum liggur meinið í  gengdarlausum loðnuveiðum undanfarandi áratuga og þess vegna eru þeir sem því eru tengdir algerlega vanhæfir til að fjalla um þessi mál.

Bændur vildu semja um friðun

Athugasemdir

[Hallgrímur Hrafn Gíslason, 7.1.2012 kl. 07:45]

Þar sem við veiðum ekki Sandsíli er líklegasta skýringin sú að Sandsílið sé uppétið.

Síðustu ár er búið að útrýma bátaflotanum sem var að veiða við Suðurströndina þar sem sandsíðið er aðalega.  Þar með fær fiskur á stórum svæðum frið og beitarálagið fer yfir þau mörk sem sandsílastofninn þolir.

[Erla Magna Alexandersdóttir, 9.1.2012 kl. 19:59]

Enginn fugl við suðurströndina- tveir eða þrír hálf hordauða fílar í Höfðanum- ömurlegt- ekki er þetta af veiðum hvað sem háttvirt superstar umhverfisráðherra segir- eg ómentuð en alin upp í sveit  HELD- ER - AÐ FUGLINN VANTI FÆÐU ?