Ótrúlegt ....

Hvað hægt er að gera einfalda hluti að rándýrum vandamálum, þegar sérfræðingar og arkitektar leggjast á eitt.

Ný brú yfir Almannagjá

Athugasemdir

[Guðjón Sigþór Jensson, 9.5.2012 kl. 09:21]

Sammála!

Verkefni sem þetta kostar sennilega meira á ákvörðunarstigi en framkvæmdarstigi.

Iðnaðarmaður hefði tekið upp tommustokkinn á staðnum, rissað á blað teikningu, síðan haldið í smiðju sína og undirbúið smíði brúarinnar, kannski hefði tekið nokkra daga að smíða brúna, flytja og koma henni fyrir endanlega á staðnum þar sem til er ætlast.

Á Þingvelli voru menn fljótari að taka ákvörðun um að fella barrtré sem tekur áratugi að vaxa.

Einn kunningi minn sem var lengi starfandi sem smiður var að vinna fyrir nokkrum áratugum á dvalarheimili eldri borgara. Þar var verið að ganga frá ýmsu fyrir opnun heimilisins. M.a. þurfti að koma upp ýmsum handföngum og öðru t.d. á salernum til að auðvelda eldra fólkinu að sinna því sem þurfti, m.a. að standa upp frá setunni sem sumum reynist erfitt á efri árum. Hann gaf sig á tal við Geirþrúði Bernhöft sem var í bygginganefnd og vildi fá nánari fyrirmæli. Geirþrúður dró sig um stund frá hópnum, settist á salernið og sagði smiðnum fyrir hvar á veggjunum handföngin skyldu festast.

Hefur kunningi minn oft haft gaman af að rifja þetta síðar upp því það var eins og hann væri í hörku bónorði inni á salerninu sitjandi á hnjánum en ellifulltrúinn á setunni!

Ef þessi ákvörðun hefði verið borin undireinhverjar nefndir og ráð, hefði tekið óratíma að taka ákvörðun um einfalt atriði. Þarna var tekin ákvörðun sem ekki er annað vitað en að hafi dugað vel.

Góðar stundir!

[Þórir Kjartansson, 9.5.2012 kl. 09:38]

Eftir því sem sumir kollegar þínir, Guðjón, hafa lýst þessu fyrir mér er þessi hraungjóta ekki merkilegri en það að eina vitið væri að fylla hana af grjóti og slétta yfir.