Baráttukveðjur

Sendi baráttukveðjur norður yfir heiðar.  Látið þingmannsefnin ekki komast upp með loðin svör  í þessu máli, núna fyrir kosningarnar.

Skagfirðingar mótmæla túlkun þjóðlendulaganna

Athugasemdir

[Árni Gunnarsson, 10.4.2007 kl. 23:55]

Tek undir með þér. Veit hinsvegar að flest álitaefni verða afgreidd með orðhengilshætti nu sem fyrr. "Þessi ákvörðun var rétt miðað við þær upplýsingar sem lágu fyrir." Skagfirðingar sáu sóma sinn þrátt fyrir allt; kannski eimi enn eftir af baráttuandanum frá miðri nítjándu öld þegar þeir efndu til "Norðurreiðarinnar" og gerðu Grími amtmanni á Möðruvöllum svo bilt við að hann lagðist sína banalegu. Alveg væri ég til í svoleiðis reiðtúr ef ég byggi enn í Skagafirði og ræktaði betri hross en þorri manna á mínum árum þar. En það er engin stóriðjustefna í gangi,-sjávarútvegur hefur aldrei staðið með meiri blóma en nú,-aldrei hefur þjóðin lifað annað eins blómaskeið,-aldrei hefur heibrigðiskerfið notið annars eins fjárausturs og nú,-allar þjóðir öfunda okkur af öflugu velferðarkerfi og svona mætti lengi telja.

Mín skoðun er sú að þeir sem trúa því að vitrir menn og framsýnir hafi stjórnað þessu landi næstliðin nokkur kjörtímabil, hafi haft af vitrum mönnum litlar spurnir og ættu að rýna í gamlar bækur.