Kolefnisjöfnun.

Nýjasta æðið á Íslandi er kolefnisjöfnunaræðið.  Snjallir sölumenn sáu strax tækifæri í þessu, samanber auglýsingar frá sumum bílaumboðum.  Ekkert mál að kolefnisjafna heilu álverin.  Skógræktarmenn sjá framtíðina í hillingum, þar sem hver blettur skal þakinn skógi. Mér finnst samt nóg um. Bæði er nú þegar fullt af fólki sem er í atvinnubótavinnu við skógrækt og svo er ég ekki hrifinn af þeirri áráttu skógræktarmanna að planta trjám meðfram vegum landsins. Ef heldur fram sem horfir verður varla hægt að  sjá Heklu eða Skógafoss frá þjóðvegi númer eitt eftir nokkur ár.    Er ekki allt í lagi að hugsa fyrst og framkvæma svo?

Athugasemdir

[Sveinn Ingi Lýðsson, 4.7.2007 kl. 08:45]

Bendi á blogg mitt frá því gær um þetta efni.

[Þórir Kjartansson, 4.7.2007 kl. 12:46]

Takk Sveinn Ingi. Sá einmitt greinina þína þegar ég var nýbúinn að senda inn.

[Ólafur Ragnarsson, 4.7.2007 kl. 14:14]

Maður verður sennilega bráðum að fara að kolefnisjafna eftir mikið rúgbrauðát.

[Viðar Eggertsson, 4.7.2007 kl. 23:19]

það tekur 28 tré 90 ár að "kolvetnisjafna" fyrir ársnotkun á bíl... svo kalla umboðin bílana "græna"! - Hræsni kalla ég það.