Góðar fréttir

Það ætti þá að vera tækifæri til að bæta í framlög til ýmissa þátta sem hafa verið vanrækt undanfarin ár. Sveltistefna gamalmenna og öryrkja að baki, stóraukin framlög í illa farið vegakerfi, Landsspítalinn og heilbrigðiskerfið fært í fyrra horf og svo mætti lengi telja.

Þjóðarkakan aldrei stærri

Misskilningur blaðamanns

Hér er blaðamaðurinn að misskilja og fréttin því hálfgert rugl.  Grjótgarðurinn, eða svokallaður sandfangari sem er byggður þvert út í sjó á að varna landbroti í Víkurfjöru.  Hann hefur rækilega sannað gildi sitt en fleiri slíka þarf til að dekka allt svæðið sunnan þorpsins.  Hausinn á þessum grjótgarði skemmdist mikið í fárviðrinu í fyrrinótt.  Skemmdin sem sést á myndinni er af allt öðru.  Það er malargarður sem byggður var árið 1995 og er ætlaður sem varavörn ef sjór flæðir inn af sjávarkambinum.  Nú þegar hann er að brotna og færast nær er farið að reyna á þennan flóðvarnargarð í fyrsta sinn síðan 1995. 

Hausinn horfinn af sjóvarnargarðinum

Misheppnað kerfi

Ekki þarf að efa að í íslensku lífeyrissjóðunum liggja óheyrilegir fjármunir. Hitt er verra að þeir peningar nýtast öllum betur en þeim sem þá eiga og eiga að njóta þeirra.

Íslenskir lífeyrissjóðir sterkir

Rétt nálgun

Menn með svona þjónustulund og hugsunarhátt raka að sér viðskiptum eins og dæmin sanna.   Aðrir eru í því að hirða aurinn og henda krónunni.

„Það fá allir að nota klósettið“

Skondið

Hún er alveg að sannast gamla skrýtlan sem segir frá unga parinu sem ætlar að fara að hefja búskap og eru í vanda stödd. ,,Ekki getum við búið hjá pabba og mömmu því þau búa enn hjá afa og ömmu"

Tæplega 40% búa enn heima

Jæja þá....

Það er alltaf þung spor þegar blessaðir fræðingarnir þurfa að viðurkenna vitleysurnar sem þeir eru búnir að lemja inn í hausinn á fólki, sem allan tímann hefur vitað betur.

Börnin mega aftur „borða allt“

Hvað veldur?

Nánast orðið árvisst að svartfugl drepist þúsundum saman úr hungri fyrir norðan land yfir veturinn. Sama sagan með lunda og kríu fyrir suður og vesturlandinu.  Enginn áhugi virðist vera til að rannsaka hveð veldur fæðuskortinum. Myndu böndin kannski berast að uppsjávarveiðunum? Og þar af leiðandi tabú að skoða málið?

Fann hundruð dauðra svartfugla

Ættu kannski að líta í eigin barm

Og athuga hvort orsökin geti verið sú að fólki liki ekki nógu vel við þá tónlist sem verið er að framleiða

Tekjurnar eftir á netinu

2007

Kannast nokkur við þetta?  2007 byrjað aftur í öllu sínu veldi og vitleysu

175 milljarða uppbygging

Hækka skattleysismörk

Kemur ekki á óvart þó flestir nefni þetta. Einfaldasta, réttlátasta og skilvirkasta leiðin til að koma á móts við þá verst settu. Það er glórulaust að hafa skattleysismörk niður við 135þús. krónur á mánuði. Að ríkið skuli taka skatt af bótum sem eru langt undir framfærslumörkum er Alþingi og ráðamönnum þjóðarinnar til skammar.

Flestir vilja leggja áherslu á kauphækkun