Ber allt að sama brunni

Þetta er ein hliðin á þeim peningi sem er að gera ungu fólki í dag,  ómögulegt að eignast þak yfir höfuðið. Rennum yfir hvernig verðmyndunin er:  Reykjavíkurborg og mörg önnur sveitarfélög nota lóða og gatnagerðargjöld sem gróðaveg. Síauknar og heimskulegar kröfur í kring um byggingariðnaðinn stórhækka verðið. Byggingaverktakar og fjársterkir aðilar, sem sjá um framkvæmdina  bæta einhverjum X% ofan á útlagðan kostnað við byggingarnar til að fá "eðlilega arðsemi"  í sinn hlut.  Fasteignasalinn bætir svo sínum prósentum ofan á alla summuna.  Svo verður unga fólkið sem er að stofna heimili að taka verðtryggt lán fyrir nánast öllum pakkanum.  Er von á góðu?

Hjón byggja 472 íbúðir

LOFTGÆÐI

Skelfing þykir mér þetta ,,loftgæði" kjánalegt orð.  Væri ekki bara betra að segja t.d.  ,,vont loft á höfuðborgarsvæðinu" vegna gossins.    

Lítil loftgæði á höfuðborgarsvæðinu

Loksins vitræn umræða

Það sorglegasta við þetta mál og mörg fleiri, er hvernig umhverfisverndarsamtök láta eiginhagsmunaseggi misnota sig. Þetta vekur von um að á því sé að verða breyting.

Birkið ekki talið vera farartálmi

Kemur ekki á óvart.

Sukk og hrossakaup hjá gæslumönnum lífeyrissjóða almennings í landinu hefur lengi legið á orði. Og með sívaxandi aðkomu sjóðanna í stæstu fyrirtækjum landsins vaxa freisingarnar um allan helming.  Kaupa sér völd og áhrif fyrir lífeyri almennings.  Þetta glataða lífeyriskerfi okkar gagnast vel þeim sem halda utan um þessa digru sjóði en þjónar eigendum fjárins afskaplega illa.  Þess vegna er eitt brýnasta málið í þjóðfélaginu í dag að stokka þetta alveg upp frá grunni og hætta þessari glórulausu peningasöfnun.

Leiði ekki til blokkamyndana og leppa

Orð í tíma töluð

Þetta er hárrétt hjá Tryggva. Það er með ólíkindum að hlusta á allar þær ambögur sem fjölmiðlafólk lætur út úr sér. Og auðvitað á að gera miklar kröfur til RUV hvað þetta varðar.  En það skemmir fyrir þegar sumir sanntrúaðir sjálfstæðismenn grípa þetta á lofti og gera úr því pólitískt mál og réttlætingu fyrir því að einkavæða RUV.  Ótrúlegt hvað menn geta gert sig að miklum kjánum þegar pólitíska sannfæringin  ber heilbrigða rökhugsun ofurliði.

Málvillur í hverjum fréttatíma

Hvernig sækja þeir þessar flaugar?

Ekki er mér kunnugt um að þessir verkfræðinemar hafi sótt um leyfi hjá heimamönnum fyrir þessari starfsemi. Hvorki landeigendum eða öðrum.  Hvað eru þessar flaugar stórar og þungar?  Þarf að sækja þær á vélknúnum farartækjum? Hafa þeir einhverja undanþágu fyrir utanvega akstri sem fylgir því að sækja flaugarnar?  Er ekki hægt að sækja þetta á þyrlu.  Spyr sá sem ekki veit.

Eldflaugarnar komnar í leitirnar

Undarlega lítill áhugi fjölmiðla á stóru máli

MBL á þakkir skildar fyrir að koma með frétt af þessu stóra máli.  En eins og oft áður undrast ég hvað fjölmiðlar, yfirleitt, virðast hafa lítinn áhuga á þeim lögbundna þjófnaði sem fer fram í gegn um lífeyrissjóðina.  Einstaklingar virðast þó í auknum mæli vera að vakna til vitundar um þetta   http://www.pressan.is/frettir/lesafrett/-hvar-eru-milljonirnar-hans-afa-mins-buinn-ad-borga-31-milljon---faer-bara-14-milljonir-ef-hann-lifir?fb_action_ids=308537892631994&fb_action_types=og.recommends&fb_source=aggregation&fb_aggregation_id=288381481237582

Stjórnin ræðir laun forstjóra Haga

Gerum einnota umbúðir útlægar.

Sífellt er talað um vandamálin af öllu sorpinu sem fellur til.  Hvers vegna ekki að ráðast að rótum vandans og fara að taka skref í því að banna einnota umbúðir.  Byrja t.d. á plastflöskunum.  Það eru engin sérstök vandamál fylgjandi því að fara í glerið aftur. Það er líka ótrúlegt að sjá hvað margir smáhlutir eru pakkaðir í svellþykkar plastumbúðir sem vigta margfalda þyngd hlutarins sem maður er að kaupa.  Oft eru þessar umbúðir svo þykkar og öflugar að nánast þarf keðjusög til að brjótast inn í þær og maður er í stórhættu að eyðileggja innihaldið.  Nú er hlýnun jarðar í brennidepli og Íslendingar ættu að verða fyrstir þjóða til að segja einnota umbúðum stríð á hendur. Það væri eitthvað það besta sem hægt væri að byrja á og eftir því yrði tekið á alþjóðavettvangi.   

Umbúðir eru umhverfisvá

Gott mál

En mikið lifandis ósköp þyrfti að fara yfir þau örnefni, sem þegar eru skráð, af staðkunnugum mönnum. Þar sem ég þekki til eru mjög  miklar skekkjur í þessum örnefnagrunni og þá sérstaklega, að örnefnin eru ekki á réttum stað á kortinu.

Sjö þúsund örnefni bættust við í fyrra

Er mönnum virkilega alvara

Þessi gjaldtökumál virðast óðum stefna í algert rugl og vitleysu.  Helst var að skilja á ráðherranum, Ragnheiði Elínu í Kastljósinu í gær að stefnt væri að því að selja bæði útlendingum og íslendingum náttúrupassa. En hann myndi bara veita rétt til að koma á ákveðin svæði.  Síðan eru þeir sem eru með allra vitlausustu hugmyndirnar í þessum efnum, þ.e. að rukka inn á hvern stað fyrir sig, á fullu að reyna að hrinda þeim áætlunum í framkvæmd. Það verður ekki til að auka hróður Íslands, sem ferðamannalands að þurfa að kaupa náttúrupassa við komuna til landsins en rekast eftir sem áður á rukkunarskúra út um allt við helstu staði sem draga útlendingana hingað.  Ætla Íslendingar að láta þetta yfir sig ganga?

Kannað með gjaldtöku í Rangárþingi eystra