Minnka notkunina

Það hlýtur að vera forgangsmál að draga úr þessari skelfilegu plastnotkun.  Endurvinnsla er kannski ágæt að vissu marki en hún þarf orku og veldur mengun. Undarlegt að þessir óþreytandi umhverfissinnar skuli ekki láta þessi mál til sín taka. Það væri verðugra verkefni heldur en að koma í veg fyrir bráðnauðsynlegar vegaframkvæmdir úti á landi á þeim forsendum að nokkrar kræklóttar hríslur fari undir eða nokkrir fuglar þurfi að færa hreiðrin sín til um nokkra metra. 

Plast skal áfram urða

Nákvæmt skal það vera!!!

Heimildin hljóðar upp á 181.269 tonn.   Hvers vegna ekki 181.270?  eða 181.268 + 500 loðnur.  Já þeir  passa vel upp á fiskistofnana okkar sérfræðingarnir á Hafró.

Loðnuveiði hefst í október

Eðlilegt, eða hvað?

Maður hefur oft heyrt þá sem tala fyrir núverandi kerfi einmitt telja það mjög eðlilegt að störf leggist niður á einum stað og flytjist eitthvað annað, allt eftir því hvernig kaupin gerast á eyrinni.  Þeir kvarta þá varla yfir þessu.

Störfum í Grindavík fækkar um 200-300

Sama sagan hér.

Já þetta er nokkuð merkilegt að lundinn skuli dvelja lengur við landið nú en venjulegt er þó engir séu ungarnir.  Í Reynisfjalli og Dyrhólaey hefur lundinn verið mjög áberandi s.l. hálfan mánuð og er enn. Það bendir eindregið til þess að meira sé af sandsíli nú en fyrr í sumar.  Þeir sem stunda sjóstangveiði í  Víkurfjöru hafa fengið smáufsa troðfullan af sandsíli.

Lundinn óvenjulengi í Látrabjargi

Hlaut að vera.

Auðvitað hlaut að vera einhver sérstök ástæða fyrir því að þetta sauðmeinlausa grey skyldi haga sér svona.  Næst þegar ísbjörn gengur hér á land er því ekkert að óttast og margir vildu örugglega eignast bangsa fyrir gæludýr.  Það væri nú eitthvað annað en þessir grimmu hundar sem eru alltaf að bíta fólk.

Tannpína orsök árásar

Ja hérna.

Held nú að SA og Vilhjálmur Egilsson ættu að halda sig sem mest til hlés.  Ætli að það sé nú ekki hægt að skrifa hrunið að stærstum hluta á reikning stóru strákanna í Samtökum Atvinnulífsins.  Svo ætti hann ekki að tala mikið um skattlagningar. Í hverjum einustu kjarasamningum semur hann um allskonar prósentur sem leggjast ofan á launin en  kæmu þó bæði fyrirtækjunum og fólkinu sem þar vinnur miklu betur að fá öll þessi afætugjöld í launaumslagið.

Gegn mögulegum skattahækkunum

Brandari ársins!

Íslendingar fyrirmynd annarra þjóða í fjármálum!?!?!    Eru engin takmörk fyrir vitleysunni.  Snilldin sést t.d.  á fyrirhuguðum vaxtahækkunum seðlabankans.  Vaxtahækkun í vísitölulandinu Íslandi er dæmd til að mistakast.  Ég hélt að menn hefðu reynsluna. En greinilega hafa þeir engu gleymt og ekkert lært.

Ísland fyrirmynd Evrópulanda?

FLJÓTIÐ!!!!!

Af hverju heitir Múlakvíst alltaf orðið ,, FLJÓT"  í munninum á fréttamönnum?

Múlakvísl veitt undir brúna í dag

Undarleg ráðstöfun.

Furðulegt að menn skuli ekki heldur nota þá stöpla sem enn standa undan gömlu brúnni til að byggja á nýtt gólf.   Það hlýtur að vera mun fljótlegra en að gera alveg nýja brú með tilheyrandi niðurrekstri og allri þeirri vinnu sem því fylgir að gera nýja stöpla frá grunni.  Með því að gera einn endastöpul við vesturendann og nota svo þá sem  stóðu af sér hlaupið væri brúin nógu  löng til að taka Múlakvíslina í venjulegu sumarvatni. 

Bygging brúar að hefjast

Von að svona færi.

Það var flestum staðkunnugum ljóst að þessi brú hlyti að fara og þó minna hlaup kæmi en þetta.  Hönnunin á þessu mannvirki var alveg með ólíkindum. Það var svo lágt undir hana að jafnvel  þegar venjulegt sumarvatn var sleikti það næstum  burðarbitana undir henni.  Hefði hún verið byggð í líkingu við brýrnar á Skeiðarársandi  hefði hún staðið þetta af sér með ágætum. Einungis vegurinn hefði farið  og það er fljótlegt að bæta.

 

Tekur vikur að byggja nýja brú