Sjaldan launar kálfur ofeldi.

Enginn dregur í efa dugnað og útsjónasemi þeirra Samherjamanna en mér  finnst það nú talsvert vanþakklæti þegar útgerðarmenn eru að skammast út í ríkisvaldið, þegar það liggur fyrir að þeim var færð fiskveiðiauðlindin á silfurfati.  Svoleiðis forgjöf hafa ekki aðrar atvinnugreinar á Íslandi fengið.

Samanburður ekki Íslandi í hag

Enn ein endaleysan

Enn eitt dæmið um það þegar fólk sem situr framan við tölvuskjá inni á skrifstofu í Reykjavík og skipuleggur hluti af fullkomnu þekkingarleysi á því hvað hentar úti á landi.  Hvernig ætlar strætó, sem tekur bara farþega með handfarangur að þjónusta stærsta kúnnahópinn sem eru erlendu bakpokaferðamennirnir?   Þetta hentar kannski ágætlega fyrir Árborgarsvæðið en þjónar enganveginn þörfinni austan Þjórsár. 

Staðið í strætó

Mesta umhverfisslysið

Eitt mesta umhverfisslys íslandssögunnar var unnið þegar háspennulína var lögð austur og suður um Fjallabaksleið nyrðri.  Þá reyndu Eyfellingar og Skaftfellingar  að hafa áhrif á stjórn RARIK og koma því til leiðar að fá þessa línu lagða í byggð. Á það var auðvitað ekki hlustað og nú búum við á þessu svæði við ónýtar línur, að stofni til frá árunum í kringum 1960 og eitthvert mesta óöryggi í rafmagnsmálum sem þekkist á landinu. 

Deilt um línur í lofti og á láði

Var þetta nú nauðsynlegt?

Grænlendingarnir hefðu auðvitað átt að kalla  íslensku hvítabjarnasérfræðingana sér til hjálpar og ráðuneytis. Okkar menn hefðu ekki verið lengi að redda þessu. Sennilega bara hnýtt upp í þá snærisspotta og teymt þá til sinna heimkynna úti á ísnum.  Málið dautt en ekki birnirnir.

Ísbirnir í Kulusuk

Skrítin aðferðafræði

Af hverju í ósköpunum snúa menn sér ekki að því að ræða aðalatriðið í þessu máli og hætta að velta sér upp úr þessu veiðibanni sem breytir afskaplega litlu um hvort þessir stofnar stækka eða minnka á næstu árum.  Það þarf strax að fara í það að rannsaka og svara þeirri spurningu af hverju æti þessara fugla er nánast horfið.  Er það eitthvað af mannavöldum og þá í mannlegu valdi að bæta ástandið eða er þetta eitthvað í náttúrunni sem enginn mannlegur máttur fær neitt við ráðið.  Rætur vandans þarf að finna en ekki  eyða tíma í það vonlausa verk að plástra afleiðingarnar.

Veiðibann eina siðlega viðbragðið

Kemur ekki á óvart

Ríkisstofnanirnar eru með höfuðstöðvar í Reykjavík og þar hefur lengi verið unnið ötullega að því að flytja störf utan af landi til höfuðborgarinnar.  Nú er einmitt gullið tækifæri að gera þetta  í nafni hagræðingar. Landsbyggðarþingmenn fá ekki rönd við reist enda búið að færa þessum stofnunum svo mikil völd að enginn, hvorki þingmenn eða aðrir treysta sér í slag við þær.  Að tala um Selfoss í sama orðinu og dreyfbýli á Suðurlandi  er argasta öfugmæli.  Árborgarsvæðið er orðið úthverfi í Reykjavík  og ætti ekki að teljast með þegar talað er um fjölgun eða fækkun starfa á Suðurlandi.

Opinberum störfum fækkar á landsbyggðinni

Horft fram hjá því sem málið snýst um

Það er í sjálfu sér allt í lagi að friða þessa fugla. Kreppan hér er ekki svo slæm að menn  þurfi að veiða sjófugl sér til matar á Íslandi.  En það er ekki vandamálið og hefur ósköp lítil áhrif þegar málið er allt skoðað í samhengi.  Vandamálið er ætisskorturinn og það sem menn þurfa að spyrja sig að, er hvers vegna að sandsílið og fleira sem þessir fuglar veiða sér til matar er nánast horfið úr sjónum.  Það þyrfti að rannsaka af hlutlausum fiskifræðingum og öðrum sem þekkja til lífríki hafsins. En í því rannsóknarteymi má enginn vera sem hefur verið innvinklaður í fiskveiðiráðgjöf undanfarandi ára eða á nokkurn hátt tengdur inn í sjávarútveginn.   Því að öllum líkindum liggur meinið í  gengdarlausum loðnuveiðum undanfarandi áratuga og þess vegna eru þeir sem því eru tengdir algerlega vanhæfir til að fjalla um þessi mál.

Bændur vildu semja um friðun

Sami ósiðurinn hér

Mér hefur heyrst að þessi ósiður sé eitthvað stundaður á sjónvarpsstöðvunum hér.  Held samt að þetta virki alveg öfugt fyrir auglýsandann því oft verður maður svo pirraður á hávaðanum að það verður fyrst fyrir að lækka alveg niður á núll eða skipta um stöð.

Lækki í sjónvarpsauglýsingum

Náttúruböðlar á Vestfjörðum????

Það var ótrúlegt að fylgjast með Íslandi í dag á Stöð 2 í kvöld, þar sem deilunum um vegalagningu um Teigsskóg voru gerð góð skil.  Eins og vænta mátti kom þar fram að tveir einstaklingar sem auðvitað eru búsettir á Reykjavíkursvæðinu og eiga smá skika af þessu svæði eru að  dæma fólkið sem þarna býr til þess að aka stórhættulega fjallvegi í stað láglendisvegar. Í orði kveðnu í nafni náttúruverndar en í raun í eigin hagsmunaskyni.  Skyldu þessir menn ekki finna til neinnar sektarkenndar fyrir það að halda þessu sjálfsagða hagsmunamáli íbúanna þarna í gíslingu.  Og hvenær ætla  hin ýmsu náttúruverndarsamtök að fara að sjá í gegn um svona menn og hætta að láta þá misnota sig? 

Veiðar breyta nánast engu um þetta

Einu raunverulegu aðgerðirnar sem í mannlegu valdi standa er að  hætta loðnuveiðum og stórauka veiðar á þeim fisktegundum sem keppir við þessa fugla um æti. 

Skipar starfshóp um svartfugl