Skyldi nokkurn undra.

Auðvitað vill enginn hafa þennan viðbjóð nærri sér.  Með ofstæki er nánast búið að slá af bestu leiðina til að losa sig við stæstan hlutann af sorpinu, þ.e. sorpbrennsluna.  Bráðum verður hvergi hægt að fá að grafa þetta ofan í jörðina.  En eftir stendur alltaf í mínum huga stóra spurningin:  Hvers vegna er svona lítið rætt um það að minnka sorpmagnið.  Af hverju er alltaf verið að tala um endurvinnslu?  Hvers vegna eru allar þessar einnota umbúðir svona sjálfsagðar?  Þessu væri vel hægt að breyta og þar ættum við íslendingar að hafa forgöngu og fyrir því ættu öll þessi náttúruverndarsamtök að beita sér. 

Vilja losna við Sorpu

Gerum kröfur um......

Við krefjumst þessa og krefjumst hins, heyrist víða  í máli ræðumanna í dag.  Ég held að eitt af stærri vandamálum þessarar þjóðar sé  hvað margir krefjast mikils af öðrum en lítils af sjálfum sér.

Fasistar, nasistar og kommúnistar

Hagsmunaröskun??

En hvað um alla þá einstaklinga og fyrirtæki sem hafa verið gerð nánast eignalaus vítt og breitt um landið þegar kvótinn hefur verið seldur úr byggðarlaginu.  Eiga þeir ekki rétt á bótum?

Á rétt á eignarnámsbótum

Myndir:

 Sandfangarinn svínvirkar:

 

   Brimið að brjóta sjávarbakkann:

Sandfangarinn náð árangri í Vík

,,Miklir menn erum við Hrólfur minn"

Alltaf erum við íslendingar sömu snillingarnir  Öllum öðrum þjóðum fremri að stórhug og framsýni.  Rétt eins og hinir misskildu 2007 fjármálasnillingar sönnuðu svo rækilega.  

Fjórar Smáralindir við Landspítalann?

Málþóf og skrípaleikur

Það fer að verða útséð um það að maður geti nokkurn tíma aftur kosið sinn gamla flokk, Sjálfstæðisflokkinn. Það er alveg sama hvaða mál koma fyrir þingið,  ekkert nema  einhver ómálefnaleg umræða og málþóf.   Menn auka ekki virðingu Alþingis eða ná til sín atkvæðum landsmanna með svona vinnubrögðum. 

„Við gefumst ekki upp“

Betra að grafa vandann?

Það er skrýtin þessi móðursýki sem hefur gripið um sig í sambandi við þessi sorpbrennslumál. Þó er vitað að brennsla er besti kosturinn til að losna við allt umbúðafarganið. Bara ef menn framkvæma þetta eins og á að gera . Bráðum vill ekkert sveitarfélag eða landeigandi láta land undir viðbjóðinn og hvað er þá til ráða?  Hvers vegna er í þessari umræðu aldrei talað um stóra málið?  Að draga úr þessari óhóflegu umbúðanotkun.  Menn eru alltaf að tala um endurvinnslu. En hún leysir ekki nema hluta vandans og þess þarf orku og endurvinnsla veldur líka mengun.  Það hafa margir gapuxar farið langt fram úr sér í umræðunni um þessi mál.

Undanþága fyrir Ísland ástæðulaus

Skýtur skökku við

Hvar er nú díoxínmengunarkórinn?   Kannski er hann bara sofnaður, saddur og sæll efir að hafa látið til sín taka á Ísafirði, Klaustri og Vestmannaeyjum.  ,,Umhverfissinnarnir"  bíta aldrei nærri greninu frekar en refurinn. Suðvestur hornið virðist alltaf lúta öðrum lögmálum en landsbyggðin, þegar umhverfismál eru annars vegar.

Vilja flytja úrgang til Íslands

Ja hérna hér.

Hvernig þykist þessi maður hafa efni á því að vanda um við aðra þegar hann getur ekki einu sinni sagt af eða á um það  hvort hann ætlar að halda áfram eða ekki. 

Forsetinn gagnrýnir stjórnlagaráð

Lítið af loðnu í hafinu.

Fyrir tíma loðnuveiða var það nánast árvisst að loðnu rak á land um allar fjörur í Vestur -Skaftafelssýslu og sjálfsagt víðar á Suðurlandi. Þetta var mismikið eftir árum en stundum var þetta óhemju mikið magn. Man ég eftir að sjá þykkann skára af loðnu í flóðfarinu svo langt sem augað eygði á Kötlutanganum.  Loðnan sem rak hér var ekki hrygnd og rak hana á land sprelllifandi, sem sýnir best hvað magnið hefur verið gífurlegt.  Nú er öldin önnur og þó loðnuflotinn sé við veiðar hérna  uppi í landsteinum   rekur aldrei orðið eitt einasta síli.

Loðnuvertíðin byrjar af krafti