Góðar fréttir - en,

Vonandi hafa  þeir sem þessum málum stjórna þá vit á að friða það litla sem eftir er af loðnustofninum svo að þessi sterki árgangur megi vaxa og dafna í stað þess að drepast úr hungri.

Gríðarsterkur þorskárgangur

Athugasemdir

[Stefán Lárus Pálsson, 19.11.2009 kl. 18:09]

Næstu 5-6 árin verða þessu ungu fiskum örlagarík. Þá ættu þeir sem eftir lifa að vera orðnir þokkalegir sprotafiskar. En það er nú þannig að þó Loðna og Síld séu á landgrunninu, er ekki víst að leiðir þorsksins liggi stöðugt saman við þau kvikindi. Mörg undanfarin ár hefur þorskur á vestur SV- svæðinu verið ansi magur, holdrýr og gefið mun lakari nýtingu, en fiskur af austfjarðamiðum. Góðu fréttirnar eru, að vel hefur tekist til í sjónum með uppfæðslu þessa árgangs þorsksins. Nýliðun er góð, en hverju hann skilar í veiði og til viðhalds stofnsins þegar fram líða stundir, er alls óvíst, og kemur ekki í ljós strax. Vonandi verður ekki lagst á þessi smákvikindi, og kapp lagt á að sarga þau sem mest upp með krókaveiðum í fjörum og fjörðum eins og menn hafa sýnt mikla elju við undanfarin misseri. En til að blessaðir litlu þorskarnir nái þroska og auki kyn sitt þurfa þeir að hafa næga fæðu, og frið til að vaxa upp. Náttúran mun svo sjá um hver framvinda tilvistar þessa stóra árgangs verður. Hún er þar mikilvirkasti örlagavaldurinn, eins og verið hefur í lífríki hafsins. Og svo er það stjórnun sóknar og veiða, þar komum við að málinu. Ég hef fengist við fiskveiðar í tæpa hálfa öld, og notað til þess velflest þekkt veiðarfæri. Á þeim tíma hef ég reynt að læra af reynslunni, og hlustað á skoðanir annarra, og myndað mér mínar eigin, og er alls ekki tilbúinn að játa þær ómerkari á þessu sviði en annarra álit!!