Fullkomlega siðlaust

Hvernig gat manninum dottið í huga að hann kæmist upp með það óátalið að nota þessi tól, sem húsmæður landsins hafa algeran einkarétt á bæði fyrr og síðar. 

Með kjöthamar og kjötexi

Sjálfsagt að skera af þessum aulaframlögum.

Hvernig fórum við að sem nú erum að nálgast eftirlaunaaldurinn, að koma upp okkar börnum? Það gekk bara vel en nú treystir þetta sama fólk sér ekki til að fara út í barneignir, nema með stórkostlegum styrkjum frá ríkinu.  Samt er menntunarstig miklu hærra og laun í sama hlutfalli en samt sýnist mér einmitt fólk í hærri tekjuflokkum væli jafnvel enn meira en þeir tekjulægri.  Feðraorlofið ætti alveg að leggja niður við þær aðstæður sem eru í þjóðfélaginu í dag.  Alveg óþarfi að borga þessum mönnum laun frá ríkinu og svo fer stór hluti þeirra bara í svarta vinnu.

Fæðingarorlof skert á næsta ári

Get ekki sagt að ég vorkenni Hvergerðingum

Hvers vegna var Orkuveita Reykjavíkur að gleypa allskonar hita og vatnsveitur upp um allar sveitir?  Og hversvegna voru sveitamennirnir að selja frá þetta frá sér?  Asnaskapurinn og gleypugangurinn var jafn mikill á báða bóga.  Það er varla hægt að vorkenna mönnum svona sjálfskaparvíti.

Vilja hitaveituna aftur

Mörg prik til Stöðvar 2

Þetta eru bestu fréttir sem borist hafa eftir hrun.

Spaugstofan á Stöð 2

Arðsemi og ávöxtunarkrafa?

Ekki minnist ég þess að BHM andmælti þegar lífeyrissjóðirnir fjárfestu í bólufyrirtækjunum.  Þar átti nú aldeilis að vera nóg arðsemi. Háskólamenn og aðrir  skilja kannski ekki að verðmætin verða til í atvinnulífinu og hvergi annarsstaðar. Þeir ættu  vitanlega að láta sjóðinn sinn fjárfesta í öllum þessum háskólum okkar íslendinga.  Það hljóta að vera arðsöm fyrirtæki. 

Ósátt við fjárfestingar sjóðs

Lög á þessa vitleysu

Á meðan íslenska þjóðfélagið er að skríða upp á hnén eftir hrunið ætti að banna öll verkföll með lögum næstu fimm árin. 

Draumaferðin í uppnámi

Erfiður vetur framundan

Það verður skarð fyrir skildi þegar þeir félagar hætta að koma með sinn óborganlega vikulega  húmor.  Oft er þörf en nú er nauðsyn að fá fólk til að hlægja og líta á tilveruna á léttum nótum.   -   Skyldi annars nokkuð verða skorið niður hjá íþróttadeildinni?  

Munt þú sakna Spaugstofunnar?

Gott mál.

Gott framtak hjá menntamálaráðherra. Háskólasamfélagið hefur um langa hríð lifað algerlega gagnrýnislaust á sjálft sig í sínum fílabeinsturni.  Einstaka sinnum verða persónulegir árekstrar milli manna  en það snýst yfirleitt um persónur en ekki hvernig  háskólinn á og þarf að þjóna best þjóðhagslegum hagsmunum.  Þar á bæ þurfa menn að líta í eigin barm og spyrja og svara undanbragðalaust.

Þáttur háskólanna í hruninu rannsakaður

Afleiðing af ,,veiða/sleppa" ruglinu

Nýgenginn lax sem oft tapar miklu af hreistri í löndun og meðhöndlun við að losa úr honum krókinn er oftast dauðadæmdur.  Þetta eru opin sár sem sveppur sest í og fiskurinn  deyr hægum og kvalafullum dauða.

Farið að bera á laxadauða í Norðurá

Eins og við mátti búast.

Við sem horfum  dags daglega á hvað sjórinn flytur af efni erum ekkert undrandi á þessu. Vegna austlægra átta s.l. vetur nánast hvarf allur sandur úr Reynisfjörunni en fjaran í Vík gekk fram um hátt í hundrað metra.  Þessir efnisflutningar skipta milljónum rúmmetra. Síðan getur þetta gengið til baka á örfáum vikum  ef vindáttir yrðu suðvestlægar með tilheyrandi brimi.  Þannig ræður vindátt straumar og sjólag því alveg hvernig sandurinn berst og það er engin leið að sjá langt fram í tímann í því efni.  En það er þó nokkuð ljóst að sanddæluskip munu hafa góðan bísness í Landeyjahöfn  á næstu mánuðum og árum. 

Herjólfur tafðist um þrjá tíma